Umor betambah Tande Dewasa
semakin tue banyak yang kesah
Ninggalke Dunie ini yang Fanah
Payo betobat sebelum masok Tanah.
Jangan kiket banyak Befikir
untuk sedekah pade yang Fakir
bekal tubo di dunie yang Akhir
supaye tubo idak Lok urang Kafir
Umor tubo sape yang Tau
ade Lambat ade yang ndulu
kalu Tubo nak siap selalu
Patuhi Perintah Tuhan Yang Satu
Jangan Tubo sampai nyesal
dalam Kubur dak bebantal
karene banyaklah Dose,ndeike Amal
Malaikat nyikse sambel Kesal.
Umor betambah mate ngelamor
ngeleke Kerete lolok Motor
baju lah berseh di kateke Kotor
Bejalan bae lah mula'i Begoyor
Kalu manusie dak sadar Umor
awak lah tue maseh bebuat kotor
Kadang idak sembahyang Sohor
tande manusie tue tejemor.
Payo tubo gale-gale Sadar
mumpung awak maseh segar bugar
Rajin ke Mesjid atau ke Langgar
Perentah Tuhan jangan di Ingkar.
di dunie cuma sementare
Akherat tempat tujuan Kite
banyak Amal Masok Serge
Dosenye Nompok Masok Nerake
Mati itu Pastilah Cengki
Tubo dak pacak nak nolak lagi
siapke Bae bekal mula'i kiniari
Bile tubo mati dak nyesal Lagi.
Tujuan mbuat syair ini
bukannye Sok Ustadz atau kiyai
cuma nak ngajak nyadarke diri
supaye selalu teringat mati
Kalu tubo teringat Mati,
dalam Idup jadi ati-ati
Halal dan Haram selalu di teliti.
Karene takut pade Ilaihi Rabbi.
Tidak ada komentar:
Posting Komentar